Vonbrigði!

Alltaf heldur maður að landslið Íslands í fótbolta "hljóti nú að fara að vinna", en nei......aldeilis ekki.  Hvað er í gangi?!!!!  Hef sjaldan orðið eins ánægð með að sleppa leik eins og á móti Lictenstein um helgina.  Halló, hvað búa margir þar.........30,000 ekki satt?  Svo er alltaf verið að tala um að ástæða þess að við getum ekki meira í fótbolta, sé út af smæðar okkar....ekki sammála þessu.  Afhverju getum við þá eitthvað meira í handbolta???? Erum við þá stærri þjóð?  Er bara reið og svekkt yfir þessum 2 landsleikjum.  Lít á að við höfum verið heppin að tapa ekki á laugardaginn, og ennþá heppnari í dag að tapa þó bara 6-0.  Enda ætlum við mæðgurnar að kíkja bara í Laugardalshöllina á 17. júní.  Það virðist vera okkar happa handboltadagur.  Fyrir þá sem ekki muna, unnum við jú Svía í undankeppninni í fyrra, á 17. júní.  Þannig að við förum fullar bjartsyni á leikinn.

Aðal ástæðan fyrir litlum skrifum undanfarið er nú kannski sú að hér gerist fátt annað en vinna, skólar, íþróttir og þetta venjulega heimilislíf.  Það er nú kominn smá vorfiðringur í mann, þó svo að veðrið hafi verið vægast sagt ömurlegt síðustu vikur (allavega síðustu daga).  Mér þykir það ekkert endilega boðlegt að sitja í bílnum mínum í júní og þora varla að opna hurð sökum óveðurs.  Hífandi rok og rigning er aðal einkenni veðursins á suðvestur horninu, þessa dagana.  Keyrði yfir Hellisheiðina í dag, á leið til Selfoss og Hveragerðis.  Hundleiðinlegt veður uppi á heiðinni, ökuferðin gekk líka mjög hægt.  Svo var eins og maður kæmi í aðra veröld þegar Kambarnir voru þræddir niður.........Bara bjart veður og smá gola............Hellú...!!!  En þetta veljum við okkur að búa við hérna fyrir sunnan.  Svo fær maður reglulega sms, annaðhvort að norðan, austan eða frá hinum norðurlöndunum, um þessa líka bongóblíðu. 

En jæja nóg af þessari neikvæðni.

Fórum til Akureyrar um hvítasunnuhelgina, í fermingu hjá henni Brynju.  Svo óheppilega vildi til að hann Patrekur nældi sér í hlaupabólu á fimmtudeginum þannig að hann var bara settur í víð föt og út í bíl um kvöldið og brunað af stað.  Ég þurfti að vinna aðeins fyrir norðan á föstudeginum en svo var bara kosy og gaman.  Það endaði nú þannig að við Patrekur sátum í bústaðnum og grilluðum okkur pylsur og sykurpúða á meðan aðrir fjölskyldumeðlimir fóru í ferminguna.  Vildum nú ekki taka áhættuna á því að hún Katla yndið fengi "Bóluhjálmarseinkennin" sem guttinn var með.  Fermingin var að sjálfsögðu frábær eins og maður bjóst við og Brynja stórglæsileg.  Svo verður jú auðvitað önnur ferming í júlí þegar Rakel fermist......þá er allavega engin hætta á hlaupabólu hérnamegin....vonandi að við komumst alla leið í veisluna hennar.

Off to pizza eating.....:)

Sumarhátíð Hjalla

Jæja þá er hin árlega sumar/vorhátið á Hjalla lokið.  Eins og venjulega var frábærlega tekið á móti börnum og fjölskyldum þeirra.  Alltaf jafn gaman að koma í veislur á Hjalla get ég sagt ykkur.  Það voru að sjálfsögðu grillaðar pylsur með öllu meðlæti sem þú gast hugsað þér.  Hver kjarni var svo með söngatriði og það er bara yndislegt að sjá þessi kríli...alveg niður í 1 árs....standa uppi á sviði og syngja!!! OMG hvað þau voru krúttleg.  Gulikjarni (hans Patreks) söng jú vinalagið....."ég er sko vinur þinn" o.s.frv.  Stóðu sig frábærlega.  Svo komu þarna einhver skemmtiatriði......trúðar að syngja og svona....og svo endaði nýstofnað Hjallabandið þessa frábæru skemmtun.  hehe en Hjalli býr að foreldrum með einstaka tónlistarhæfileika!.  Þarna komu meðal annars saman meðlimir úr Jagúar, Í svörtum fötum og margir fleiri......skulum bara láta myndirnar tala sem eru komnar hérna inn.

 kveðja úr sólinni.....Holtamaurar

Jahérna hér

Ég missti nú bara hökuna niður áðan þegar ég las fyrirsögnina á mbl.is að Ingibjörg Sólrún og Geir væru sest á samningafund........tak nú ofan fyrir þeim stjórnarmönnum fyrir þetta.  Verður heldur betur gaman að fylgjast með fréttum í kvöld.......

En já að öðru, eignaðist lítinn frænda í gærkvöldi. Helga Björg og Binni, austlendingarnir mínir, eignuðust lítnn prins.  Loksins annar strákur í familiuna....Patrekur var sá fyrsti á eftir Eyþóri......hehemmm nokkur ár þar á milli, en loksins loksins eru þeir orðnir fleiri.  Þurfum kannski að fara að passa okkur hérna stelpur í fjölskyldunni.  Ég var nú víst búin að veðja á stelpu.........en sem betur fer lagði ég ekki aleiguna undir.  Til hamingju elsku dúllurnar mínar!!

Vinna, vinna meira og kannski sofa hefur verið helsta viðfangsefni mitt síðustu vikur.  Gámur á gám ofan.....á planinu í hverri viku.  Metið var slegið í brettafjölda í síðustu vikur þegar við tókum á móti 29 brettum af allskyns vörum.....og tek fram.....bara mín megin í heildsölunni!! Vá hélt án gríns að ég kæmist ekki út úr þessu öllu.  En með aðstoð mikilla karlmanna, tókst það sem betur fer og er nú farið að sjást í gólfið.  Fór 3 sinnum á Akranes í þessari viku og svo á Egilsstaði.  Talandi um Egilsstaði, fannst nú alveg frábært að hitta þar konu og dóttur hennar sem ég var að vinna með hérna í Hafnarfirði fyrir um ári síðan.  Fluttu austur fyrir 2 vikum og það urðu heldur betur fagnaðarfundir hjá okkur.  Finnst alltaf gaman að koma austur, falleg flugleið og bara yndislegur bær, Egilsstaðir.  Var nú að spá í að skutlast bara upp að Hafrafelli (þar sem Helga og Binni búa) og marka aðeins fyrir þau svona þar sem þau voru hérna í barnsfæðingum.  Hefði nú verið gaman að rifja upp gamla takta.

Fanney les og les fyrir próf núna....gengur bara vel hjá henni.  Hún stendur sig æðislega í þessu öllu, hvort sem það er skólinn eða fótboltinn.    En ég skil svo vel hvað það getur verið erfitt að sitja inni og lesa á meðan það er gott veður úti.....og virðist líka vera svo misjafnt á milli foreldra hvað þeir leggja mikla áherslu á að krakkarnir lesi fyrir próf.  Stundum lítill skilningur hjá félugunum að það sé ekki hægt að vera úti öll kvöld......en svona er þetta nú bara.

Jæja ætla að fara að mata hana af enskum sögnum.......bæ þar til síðar...

smíðar

Já Íris, ég er sko að smíða kanínukofa með krökkunum mínum.  Hann verður orðinn svo flottur fyrir rest að ég hugsa að ég gæti sjálf sofið í honum bara:)  Svo á bara eftir að finna kanínurnar í hann...........

Jæja.......svona er lífið

Hvað er þetta með kosningar........ég hef nú yfirleitt verið viss um hvað skal kjósa......og alltaf með mínar rökstuddu skoðanir á því......en núna er ég hreinlega alveg tóm.  Mér finnst þetta vera komið út í svo mikið bull.  Allavega get ég ekki gert upp hug minn þratt fyrir að ég sé búin að vera að reyna að horfa á einhverja umræðu þætti og þannig......kannski að maður verði bara í evróvisíon partý einhversstaðar frekar:)  Talandi um söngvakeppnina......skrapp í Hvaleyrarskóla í morgun en foreldrum 6. bekkinga var boðið í samveru sem er haldin reglulega.  Þar koma nemendur bekkjanna fram með allskyns skemmtiatriði.  Í dag var lagt upp í tónleika með lögum sem Ísland hefur sent í söngkeppni evrópskra sjónvarpsstöðva.   Það var hreinlega frábært!!! Þessir krakkar, hvað þeim dettur í hug.  Fanney söng með Auði lagið "if I had your love" með Selmu Björns.  Tókst æðislega hjá þeim.  Svo voru þarna fleiri atriði, td komu 4 strákar og sungu Heaven með Jónsa....allir í gallabuxum og hvítum bolum.....engir smá töffarar....hehehe.  Þetta er mjög gaman að fá að fara þarna og sjá þessa krakka.  Húrra fyrir Hvaleyrarskóla! 

Erum að spá í að skreppa vestur um helgina til að slaka aðeins á.  Krakkarnir farnir að grátbiðja mig um það.  Enda er góða veðrið þar.  En jæja, best að fara að halda áfram að taka til og smíða:)

 kossar frá Holtó

Smá viðbót

Já ég fór að lesa núna bloggið hjá mínum kæra bróður og hans konu.  Er svo hjartanlega sammála þeim um þeirra skoðanir á ákvörðun okkar kæru presta um giftingu samkynhneigðra.  Sorglegt að sjá hvaða áhrif þetta hefur á börn, unglinga og annað fólk sem hefur haft það að lífsmottói að láta jafnt yfir alla ganga.  Var það ekki það sem okkur var jú kennt í kristinfræði, trúarbragðafræði og fermingafræðslunni?  Ég bara spyr.......

Veturinn klárast

Jæja þá er veturinn að kveðja okkur og gerir það með látum bara, allavega hérna á höfuðborgarsvæðinu.  Alveg skelfilegt að horfa upp á þessi hús brenna í miðbænum.  Mjög sorglegt.  Verður skrýtið að keyra niður Laugaveginn og sjá ekki gamla hornið þar sem maður stoppaði í sjoppunni, Pravda með LÖNGU röðunum fyrir utan á laugardagskvöldi og allt sem þarna var.  Vonandi að borgin og eigendur húsanna taki sig saman og byggi þetta upp sem allra fyrst til að mynd komist á miðbæinn á ný.

Og ekki nóg með þetta, nú í kvöld fór Laugavegurinn algerlega á flot í sjóðandi heitu vatni.  Fólk brenndist við að stíga í vatnið en vonandi að etta verði ekki alvarlegt. 

Þannig að vonandi er þetta allt bara merki um að sumarið verði frábært:) eigum við ekki að vona það allavega?

Fanney Lind fór í Bláfjöll í dag, með skólanum.  Mikið gaman skilst mér.  Fékk að leigja sér snjóbretti.  Einu kröfurnar sem ég setti voru að hún kæmi heim með helst alla útlimi heila.....og hún gerði það.  Datt reyndar eitthvað á bakið og var eitthvað smá stirð í kvöld, en ekkert sem smá kúr hjá mömmu lagar ekki:)  Við Patrekur byrjuðum daginn á Hjalla eins og venjulega nema að núna var hann að bjóða mér í morgunkaffi eins og allir krakkarnir gerðu við foreldra sína.  Rosalega kosy og gaman.  Voru búnir að sitja og búa til ostapinna þessir hermenn á kjarnanum hans.  Hef oft hugsað um að skipta um leikskóla fyrir hann, koma honum inn hérna í hverfisleikskólann.  En ég get ekki hugsað mér að sleppa þessu tækifæri fyrir hann.  Þarna fær hann allt sem hann þarf og er bara svo hlinnt þessari stefnu hennar Möggu Pálu að ég held ég reyni að hafa hann sem allra lengst þarna bara.  Er td mjög montinn yfir því að hann sé að fara að læra ensku í haust:)

En jæja, ætla að vona að þið eigið gleðilegan sumardaginn fyrsta, hvar sem þið eruð á landinu eða í heiminum. Takk fyrir veturinn sem er nú nánast liðinn.

Magga

Gleðilega páska!

Jæja þá er páskadagur kominn og allt eins fljótt að líða eins og áður.  Fórum á Laddi 6-tugur á miðvikudagskvöldið.....og oh my god hvað það var æðislega gaman.  Þessi maður er snillingur.  Það sem kom mér mest á óvart var þegar hann skellti sér í Bubba líki og tók hann líka svona flott.  Hef aldrei séð neinn taka hann eins vel.  Allir gömlu karakterarnir voru þarna og það var frábært að rifja þá alla upp.  Svo sá maður stundum að hann var eitthvað að spinna, þegar hljómsveitin og aðrir leikarar sem voru á sviðinu með honum, grétu hreinlega úr hlátri.  Þá kom greinilega eitthvað sem ekki var búið að æfa.

Brunuðum svo vestur á fimmtudaginn til að sækja Patrek, en hann fór vestur með mömmu og Helgu á þriðjudag.  Ég var plötuð á línuskauta......hehemmmm byrjaði nú ekki vel, flaug beint á æðri endann með miklum verkjum um allan líkamann.  Svo var stefnan tekin niður að sláturhúsi en þar átti jú að vera gott plan til að æfa mig á.  Þegar Ási var sennilega búinn að fara 5 ferðir samanlagt fram og til baka...(við að bíða eftir mér) komst ég loksins á leiðarenda.  Jú skal alveg viðurkenna að þetta er örugglega mjög gaman þegar maður er búinn að ná tækninni.....en þangað til er þetta eiginlega bara sársaukafullt!!   Komum svo aftur suður á föstudaginn langa.  Fór með krakkana í Kringluna í gær, bara til að chilla.  Páskaeggjaleit fór svo fram í morgun....var held ég allt of lin í þeim feluleik.  Fundu þau nánast strax.  En þau eru eitthvað ekki mjög gráðug í eggin í dag.  Fórum mikið út að labba, hjóla, hlaupa og línuskautast þannig að það eru allir bara í góðum gír hérna.  Grilluðum svo svínakjöt núna áðan og allir liggja núna og láta líða úr sér.  Svona á páskadagur að vera.

farin að letast með hinum.......Magga 

Langt síðan síðast

Jæja kominn smá tími á blogg held ég.

Mikið um að vera síðustu viku.  Við Helga sys sátum hérna til kl 4 aðfaranótt laugardags við að búa til scrap blöð fyrir afmælið hennar ömmu.  Það var æðislega gaman.  Við hlógum og fífluðumst hérna við að rifja upp minningar eftir myndum.  Það er svo æðislegt að geta skoðað myndir saman....ættuð að prufa.  Svo þegar við vöknuðum á laugardaginn fórum við að skipuleggja daginn miðað við það að vera komin til Sirrýjar um hálf 2.  Þá kom smá stress í liðið....áttum eftir að gera svo ansi margt.  Rokið var í Fjarðarkaup.....svo við systur í Smáralindina þar sem að við urðum nú að finna okkur eitthvað til að vera í.....heim aftur að klára bakstur svo bara hobb hobb allir af stað.  Ekki má gleyma að ég gaf mér nú samt smá tíma til að kjósa vegna álversstækkunarinnar.

Afmælið hennar ömmu var yndislegt.  Alltaf gaman að fara í veislur þar sem að koma saman ættingjar og vinir sem maður hittir annars ekki í mörg mörg ár.  Td einn frændi minn sem ég hef ekki séð í 14 ár......það er allt of langt.  Amma ánægð með daginn og fór strax eftir helgina og gekk frá því að kaupa sér æðislegt rúm í svefn og heilsu sem börnin hennar og allir afkomendur gáfu henni.  Til hamingju amma.

Talandi um kosningar, mikil spenna var í Firðinum fram að helginni.  Maður fann það vel.  Fólk skiptist á skoðunum allsstaðar.  Fór meira að segja til læknis fyrir helgnia (sem ég þekki reyndar vel) og hann talaði helling um þetta.  Á vörum allra.  Kosningin fór jú þannig að tillagan um stækkun var felld af íbúum bæjarins.  Allskyns ásakanir hafa komið upp um að fólk hafi verið að skrá lögheimili sitt í Firðinum til að geta kosið.  Mér finnst það nú ótrúlegt, finnst ykkur það ekki?  Ekki myndi ég gera það bara til að hafa einhvern kosningarétt.  En vonandi jafna allir hafnfirðingar sig fljótt á þessu og við getum farið að lifa eðlilegu lífi hérna. 

Litla frænka á Akureyri var skírð á sunnudaginn 1.apríl. (ekki plat)  Hún heitir Katla og er Eyþórsdóttir.  Yndisleg frænka og til hamingju með nafnið. 

Jæja best að fara að koma sér í vinnuna.....síðasta daginn fyrir páska

Lítil frænka fædd:)

Jæja það kom prinsessa í heiminn á Akureyri í gærkvöldi.  Nú eru þær orðnar 4 í fjölskyldunni þar.  Til hamingju kæra fjölskylda, við erum ákaflega stolt frændsystkin hérna suðurfrá.  Stór og stæðileg stelpa og auðvitað gullfalleg.

Annars er allt við það sama hjá okkur. Komin enn einn föstudagurinn.  Finnst bara alltaf vera föstudagur.  Greinilega svona gaman og mikið að gera í vinnunni.  Er það ekki þá sem tíminn líður svo hratt?  Ætla að reyna að vera félagslynd móðir um helgina, svona til tilbreytingar.  Maður er alltaf eitthvað svo busy við að hugsa um hluti en framkvæma svo ekki.  Þannig að nú verður BARA gaman hjá okkur.  Fara og kíkja á tjörnina, góðan göngutúr með myndavélina, baka pizzu, allt sem er gaman.  Talandi um að baka pizzu, Fanney fór í veðmál við mig í gærkvöldi þegar við fréttum að barnið væri á leiðinni fyrir norðan.  Sá sem myndi tapa átti að sjá um pizzubakstur í kvöld......veðmálið var auðvitað hvort barnið yrði strákur eða stelpa.  Fanney sagði strákur og þessvegna er pizzubaksturinn hennar í kvöld.  Væri nú líka gaman að skreppa í bíó bara eða eitthvað.  Orðið langt síðan ég fór með krakkana.  S.s þeirra helgi í vændum. 

Í næstu viku er ég að fá dana til mín í vinnuna, sem er sölumaður fyrirtækisins sem við verslum af.  Það verður gaman.  Vonandi eitthvað nýtt að koma og spennandi að sjá hvað verður í haust og svona.  Annars er maður að tapa sér núna í sýnishornum hinna ýmsu merkja.  Sölusýningu, sem fór frábærlega fram, er lokið og verið er að leggja lokahöndina á þetta, pakka niður sýnishornum og fl.  Að sjálfsögðu fáum við að fletta í gegnum það og panta ef við höfum áhuga á.  Margt mjög svo flott.  Er td að bíða eftir einhverjum sem vilja panta með mér geggjaða leðurjakka.....mmmmmmmmmmmm annars verð ég bara í 66*N appelsínugulum pollajakka allan næsta vetur.  Það var s.s áskorunin í vinnunni.

Jæja best að byrja quality weekend með börnunum......stolt frænka.