Árið 2007

Jæja gleðilegt ár allir saman þarna úti.  Hérna á Holtinu var mikið um sprengjur á miðnætti.  Það er eins og sagan segir.....maður má ekki sleppa karlpeningnum einum á flugeldasölurnar.   hehehe jú jú þetta vara bara frábært og æðislega gaman hjá okkur hérna.  Mamma, pabbi og Helga voru hjá okkur og svo auðvitað hann Hómer.  Elduðum flottan mat, Ási og krakkarnir skreyttu líka þessa flottu áramótatertu,  borðuðum á okkur gat yfir reyndar frekar slöppu skaupi, eða hvað fannst ykkur?  Nokkrir ágætir punktar en samt.......kannski við bara húmorslaus hérna  Fanney fór vestur með afa og ömmu í dag.  Ætlar að ná sér í smá orku úr sveitinni áður en að skólinn byrjar aftur. Hún nýtur sín svo vel í skúrnum að smíða og föndra.  Við Ási og Patrekur skruppum í Keflavík í kaffi og þar hitti Patrekur frændur hans Ása og þeir léku í bíló allan tímann mjög góðir gæjar allir saman.

En jæja svo  er það stóra spurningin hvort að maður ætlar að fylgja öllum áramótaheitunum sem maður er búin að setja sér, svona með sjálfum sér.   Það kemur allt í ljós seinna...ætla nú ekkert að vera að flagga þeim núna svona ef ég skildi klikka á þeim, þá getið þið ekki baunað á mig.

Endilega kíkið líka á áramótamyndir

kveðja Magga Holtó

Gleðileg jól

Jæja vil nú byrja á því að óska ykkur öllum gleðilegra jóla og áramóta.  Kann nú ekki við annað en að skrifa smá hérna svona til að kveðja árið. 

Krakkarnir voru hjá Arnari um jólin og var bara mikið stuð hjá þeim held ég.  Að sjálfsögðu komu þau með fullar hendur gjafa þegar þau komu heim og tók það marga klukkutíma að koma dótinu fyrir í gær.  Það var skrýtið að skutla þeim til Arnars á þorláksmessu.  Fannst ég vera að slíta eitthvað frá mér en hann Ási gerði mér það nú ljóst að ég væri ekki að gefa þau frá mér og það var eins og hann sagði, (takk elskan) áttum æðisleg jól saman.  Bara leti og kúr hérna á Holtinu sko.  Skruppum svo í Dalina á jóladag, varð nú að sýna honum "the hometown".  Sátum og spiluðum fram á kvöld og þá var bara tekin ákvörðun um að gista.  Fórum svo í einum rikk á annan í jólum í Keflavík að kíkja á Hólmar og Guðrúnu.  Það var mjög notalegt, kakó og kökur auðvitað.  Svo er bara þetta venjulega núna, sofið, étið, unnið og sofið meira.  Mamma, pabbi og Helga koma á laugardaginn og ætla að fagna áramótunum með okkur.  Það verður bara gaman, veisla og aftur veisla!! Vantar bara Munkanna frá Akureyri til að vera með okkur. hummmmmm......en það verður vonandi bara seinna.  Skellum okkur bara eitthvað saman í sumar....ekki satt munks?? 

En jæja er að hugsa um að biðja ykkur öll um að fara varlega um áramótin og njóta þess að vera til.

Kveðja Magga Holtabúi

hellú

Já við erum sko alveg lifandi hérna á Holtinu.  Bara busy familia sko. hehehe

Annars er bara allt gott hjá okkur hérna.  Fanney var að klára sönglistina á sunnudaginn og gerði það auðvitað með stæl þessi elska mín.  Vá hvað hún var og er æðisleg.  Söng eins og fagmaður og lék ekki síður.  Frábær í alla staði.  Nú langar henni svo að fara í dans líka og hætta í fótboltanum.  Virðist vera að halla sér bara að þessu, söng, dans og leiklist sem er jú bara jákvætt.  Erum að skoða þetta allt saman.  Patrekur er bara sami gaurinn eins og þið vitið.  Stundum erfitt að sitja á sér og opna bara einn glugga á jóladagatalinu, en hann stenst það (ennþá allavega) og það kalla ég nú gott bara.  Hef nú heyrt allskyns sögur af okkur fullorðna sem gátu ekki látið sitja við einn mola í gamla daga, heldur étið allt dagatalið og jafnvel líka systkinanna....taki þeir það bara til sín sem eiga.

Það er klikkað að gera í vinnunni auðvitað.  Allir versla jú föt fyrir jólin.  Svo eru líka miklar mannabreytingar í gangi og það er alltaf smá aukaálag á annað starfsfólk.  En þá er bara spurningin um að sturta bara smá verkjatöflum í sig og brosa út í annað á meðan ekki satt? Tekur allt enda.  En annars gengur bara mjög vel í vinnunni...maður hefði aldrei trúað tölunum sem svona heildsala er að selja fyrir á mánuði, já eða á dag......wáááá.  Maður horfir aðeins öðrum augum á þetta núna.

En jæja ætla að fara aðeins út að reyna að hreyfa mig.....stórkostlegt veður hérna núna....sól og æði.   Rómó veður

Heyrumst seinna......hilsner....Magga

Frábær helgi

Jæja það tókst nú að komast á árshátíðina hjá Rún.  Sem betur fer Frábært kvöld.  Byrjuðum á því að fara heim til Herluf eiganda Rúnar, og þar bauð hann okkur í fordrykk.  Skelltum okkur svo á Lækjarbrekku og að sjálfsögðu klikkar aldrei neitt þar.  Frábær matur og drykkir auðvitað líka, allt í boði Herluf.  Mikið hlegið og haft gaman.  Fórum svo nokkur á Celtic og dönsuðum af okkur steikina.  Einn varð reyndar undir bíl á leiðinni.....sjúkrabíll og læti....en hann er harður og kemur fljótt í vinnuna aftur.    Já gaman að segja frá því að ég hitti hann Rikka bekkjarbróðir minn frá Laugum þarna.....vill svo skemmtielga til að konan hans vinnur með mér.  Fyndið hvað heimurinn er lítill...og fer enn minnkandi held ég.  Það var gaman að hitta hann og við rifjuðum mikið upp frá Laugatímanum....bæði jákvætt og neikvætt.....vorum nú stundum fljót að skipta um umræðuefni.  Það er nefnilega nauðsynlegt að fara svona út með vinnufélugunum.  Maður kynnist þeim mikið nánar og betur heldur en á  hlaupum í vinnunni alla daga, sérstaklega þar sem að ég er svo mikið úti á keyrslu.  Þannig að ég fann strax á mánudagsmorguninn hvað maður var mikið búin að kynnast þessum yndum betur.  Frábært fólk sem ég vinn með. 

En sit núna hérna heima með hann Patrek.....fann sér einhverja ælupest til að gleðja mömmu sína.  En er nú að jafna sig á þessu....situr og dundar sér í playmo.  Fanney fór í orlof í Búðardal á sunnudaginn og kom í gær.  Það var vetrarfrí í skólanum.   Hún er svo mikill snillingur þessi skvísa mín, kom með fullann kassa af jólakortum sem hún bjó til fyrir mig.  Og þau eru svo æðisleg hjá henni.  Gullmoli sem hún er.  Getur alltaf dundað sér svona mikið með afa sínum og ömmu.  Enda fyllist maður rólegheitum og afslöppun þegar maður fer í sveitina.  Ekki spurning.

En jæja, best að skella sér í smá playmo.  see ya... Magga

Veikindi....endalaus veikindi

Þá er haustpestin búin að gera innrás á heimilið.  Patrekur búinn, Fanney að og sennilega ég næst.  Það hlýtur að vera þar sem að það er spa í laugum og matur á lækjarbrekku á laugardaginn með vinnunni!!!!  Væri nú súrt.....en maður stjórnar því víst ekki.

Annars er nú þvílíkt dekurlíf hjá Fanneyju núna, enginn skóli fyrr en á miðvikudag í næstu viku....enda var ég að segja við hana að hún ætti að skreppa bara vestur eftir helgina og dekra við ömmu sína og afa.  Ná sér í smá súrefni.

En jæja hef ekki baun að segja frá annað en það að ég var að reyna að læra og þessi h........ heimasíða sem námið er á er alltaf eitthvað biluð og svo fæ ég ekki svör við verkefnum eða neitt. Fer að sjá mikið eftir því að hafa farið í þetta hjá þeim þarna.   Ansi súrt þegar maður er að borga helling fyrir.   Og skilur lítið eftir sig.   En svona er þetta....stundum tekur maður skyndiákvarðanir sem borga sig og stundum borga þær sig ekki.

hætt þessu bulli í bili....kv Magga Holtó

Verð að miðla smá punktum

Var að koma heim af myndinni Mýrin (í lúxus) og ætla bara að taka svo stórt upp í mig að þetta er lang, lang besta íslenska myndin hingað til.  Baltasar Kormákur á óskar skilinn fyrir þetta!!!!  Bara hrein og tær snilld finnst mér.  Allt svo professional og leikararnir geggjaðir.  Bara vá...er í vímu eftir þetta. 

Allavega, allir að drífa sig á Mýrina.....fær allavega fullt hús hjá mér.

Góða nótt.....Magga

Hugsum okkur um.......leyfum börnunum okkar að lesa þetta

Í vímu, í skít og reyk
áttu þau lítinn ástarleik
en þau gleymdu góðum sið
og líf kviknaði í móðurkvið.

Allt sem hún átti í mánuði níu
var hass og pípa með skítuga síu.
Hún var marin og með bláa bauga
verðandi móðir með glóðurauga.

Loks fæddist lítill drengur
gullmoli var hann og lífsins fengur.
En lítill friður var með þessum sálum
því ekkert breyttist í hennar málum.

Hún leit ekki á lífið sem mömmuleik
hún þurfti meira - bæði vín og reyk.
Og þrátt fyrir ásakanir og skammir
voru vatnssoparnir ætíð rammir.

Og þegar hana fór að langa
gleymdi hún munninum svanga.
Hún læddist á hverju kvöldi út
og hunsaði alla ábyrgð á litla kút.

Það var köld og dimm vetrarnótt
hann var svangur og með hitasótt.
Einn í félagslegu steyptu skjóli
grét hann eða svaf í mömmubóli.

Svo kom hún heim í morgunsárið
og sá hvar glitraði á barnstárið,
sem staðnað hafði á kaldri kinn
- hún faðmaði aldrei framar drenginn sinn.

Líf barnsins lagði hún að veði
fyrir skammvinna, ómerkilega gleði
fallegu augun mun hún aldrei aftur sjá
sem hún elskaði heitar en hægt er að tjá.

Alla daga eftir stóð hún stjörf og stíf
það hafði verið tekið frá henni allt líf.
Hún var full af sorginni dimmleitri,
því hún kæfði barnið sitt með eitri.

Þetta er átakanlegt, en þetta er víst til.

jæja þá kemur helgarsagan:)

Frábær helgi að baki og vonandi líka frábær vika framundan.

Byrjaði á því á föstudaginn að fara á sölunámskeið hjá Gunnari Andra uppi í Rún.  Það er það besta sem ég hef farið á.  Hann er þvílíkur snillingur þessi maður verð ég að segja.  Maður fór stundum að skellihlæja þegar hann kom með sögur, fyrir utan það að þær voru auðvitað drepfyndnar, þá sá maður sjálfan sig svo oft í þeim.  Lærði mjög mikið af honum, bæði í sölu og líka hvernig maður á að hugsa og horfa á sjálfan sig.  Td eitt dæmi:  Þeir sem hlusta á tónlist í bílnum allan tíman sem þeir keyra, hafa alltaf kveikt á sjónvarpi, útvarpi eða jafnvel bara öllu draslinu heima hjá sér í einu, þeir þora ekki að hafa þögnina þar sem að þá hlusta þeir of mikið á eigin hugsanir og eru skíthræddir við þær.   Þetta er bara alveg hárrétt hjá honum held ég.  Fannst þetta snilld og þetta er bara eitt gott dæmi um það sem hann var að segja.  Mæli mjög mikið með að fara til hans á námskeið.

En jæja nóg um það.  Þurfti að stelast út af námskeiðinu til að fara á "Laugadræsureunionið".  Og wá wá wá hvað það var geggjað.   Bara snilld og sé ekki eftir því að hafa mætt.  Byrjuðum kvöldið á Caruso á Laugavegi með mohitos drykkjum, hlógum knúsuðumst og hlógum enn meira.  Svo fengum við æðislegt borð og frábæra þjónustu.  Borðuðum stórkostlegan mat, nota bene fékk mér lax sem var þvílík snilld, tímdi varla að klára hann sko.  Drukkum svo hvítvín með og meira mohitos Alger snilld.  Svo fórum við 3 á Players á Sálina hans Jóns míns.....mjög gaman þar líka.  Með öðrum orðum, geggjað kvöld með geggjuðum skvísum.  Takk stelpur:)

Svo var tekin ákvörðun um að kíkja bara vestur í gær til að kíkja á pabba og mömmu.  Það var mjög notalegt, þurfti reyndar að láta Helgu keyra meirihlutann af leiðinni þar sem að ég var eitthvað syfjuð...skildi ekkert í því samt.  Svo var bara mjög nice fyrir vestan eins og alltaf....sofið og étið....hlegið og haft gaman.  Alltaf svo gott að koma til ma og pa...;) Takk fyrir okkur.

En núna er maður komin aftur í stressið hérna í bænum....allt á fullt, allir að læra, þvo og þrífa, vinna og vinna, og engin pása.  Hvernig endar þetta??

En jæja ætla að hætta þessu bulli og fara þá að gera klárt fyrir morgundaginn.....bæ í bili Magga 

snillin hún mamma

Haldiði að hún mamma hafi ekki bara hrist eins og eina lobbu fram úr erminni fyrir hann Patrek?? og víst önnur á Fanneyju í vinnslu.   Takk æðislega mamma (amma). 

 

                                                               

JÆJA

Jæja þá er ég búin að upplifa nýja IKEA og það var nú bara snilld....leið eiginlega eins og ég væri komin til útlanda þegar ég stóð upp úr bílnum.  En þetta er frábær verslun þarna og eiga þeir hrós skilið.  Ekki spurning.  Frábærar uppstillingar á heilu íbúðunum og maður fær fullt af skemmtilegum hugmyndum.  Svo er líka sænska búðin alger snilld....þar er hægt að kaupa fullt af sænskum mat og þannig.  Bara sniðugt.  

En það færðist nú smá bros yfir andlit krakkanna þegar við röltum inn í Rúmfatalagerinn í dag.  Allt orðið fullt af jóladóti í hillum.  Finnst nú full snemmt að kaupa jólaskraut en þarna voru margir með fullar körfur af dóti, kannski styttra til jólanna en maður heldur.  Þetta líður allt svo hratt....komið vor áður en maður veit af.

en jæja langaði nú eiginlega bara til að tjá mig um IKEA hérna.....látið nú endilega sjá ykkur hérna eða bara í café hérna....það er nú ekki eins og maður búi erlendis....

hilsner Magga